Basha përjashton nga PD e vulës edhe 11 deputetë (Emrat)

Lulzim Basha, i cili ka marrë drejtimin e PD-së së vulës, njoftoi sot përjashtimin nga Grupi Parlamentar të 11 deputetëve demokratë.

Ndonëse si mbështetës të tij në partinë që drejton ka vetëm 9 deputetë, Basha ka njoftuar përjashtimin e 11 ligjvënësve, mes të cilëve edhe Edi Paloka, Ina Zhupa, Bujar Leskaj apo Tomorr Alizoti.

Vendimin Basha e ka marrë në kryesinë e partisë që drejton, ndërsa ia ka nisur si njoftim edhe Kuvendit.

Të gjithë emrat që sot Lulzim Basha i njoftoi si të përjashtuar nga Grupi i PD-së janë pjesë e grupimeve që drejtohen nga Sali Berisha dhe Gazment Bardhi, të cilët nuk e njohin Bashën si kryetar të PD-së, edhe pse ai me vendim gjykate ka në zotërim vulën.

Gjithsesi Basha ka vendosur që t’I përjashtojë nga Grupi Parlamentar, edhe pse Kuvendi njeh zyrtarisht si kryetar të Grupit Gazment Bardhin, ndërsa kreu i PD-së së vulës ka autorizuar Flutura Açkën.

Emrat e përjashtuar nga Basha

Asllan Dogjani

Isuf Çela

Greta Bardeli

Ina Zhupa

Edi Paloka

Kastriot Piroli

Sorina Koti

Tomorr Alizoti

Bujar Leskaj

Ludovik Hasanaj

Lindita Metaliaj