Qesharak e ka cilësuar vendimin e Lulzim Bashës për përjashtimin e 11 deputetëve demokratë nga Grupi Parlamentar, deputeti Dashnor Sula.
Në postimin e tij në rrjetin social, Sula thekson se kjo është një shenjë hakmarrje e Bashës, duke paramenduar dashamirësinë që ka mazhoranca ndaj tij.
Gjithashtu Sula ka denoncuar Bashën se ka qenë sërisht në të njëjtin vend ku kanë qenë edhe dy ministra të PS ditët e fundit.
“Mbase për këtë lëvizje duhet të jetë këshilluar nga ata”, shkruan Sula.
Postimi i plotë:
I vetmi lider që mendon se mazhoranca mundet duke u zvogeluar si opozitë.
Ajo çka ish-kryetari i Partisë Demokratike mund të bëj në këtë moment, është vetëm të shpall aneksimin e tij në këndin e gjumit, por kurrësesi të përjashtojë deputetë nga Grupi Parlamentarë i Partisë Demokratike.
Këto veprime nuk dëshmojnë gjë tjetër vecse inferioritet, dhe konfirmojnë dështimin e pseudo aksionit në terren.
Në shenjë hakmarrje dhe duke paramenduar dashamirësinë që ka mazhoranca ndaj tijë, kalon në akte dhe shkresa qersharake duke bërë përjashtime.
Thonë se ish-kryetari i PD ka qenë sërisht në të njëjtin vend ku kanë qenë edhe dy ministra të PS ditët e fundit. Mbase për këtë lëvizje duhet të jetë këshilluar nga ata. Por kjo dëshmonë edhe filozofinë e liderit të vetëshpallur se mazhoranca që ka blinduar pushtetet falë djegies së mandative dhe bojkotit të zgjedhjeve të 2019, mund të mundet duke u rrudhur në një grusht njerëzish. QESHARAKE!
Discussion about this post