Deputeti i PD, Edi Paloka, ka komentuar sot takimet që po zhvillon Lulzim Basha me demokratët në qytete të ndryshme. Paloka foli i bindur se Basha po kurdis diçka, sipas tij ish-kreu i PD po fshihet Alibeajt dhe Bardhit, pasi të dy ata nuk hiqnin dorë nga termi “të përjashtuarit” edhe pse flasin për bashkim. I pyetur mbi takimet që Basha po zhvillon, Paloka tha se kishin informacione se në disktuime nuk flitej për bashkim.
“Nuk do e quaja foltore e dytë, sepse foltoret kanë qenë publike të hapura për këdo. Ajo që po bën Basha, do shohim se ku do dalë. Ai flet për bashkim, por me informacionet që kemi ne vetëm për bashkim nuk po flet në takime. Kam bindjen time që edhe Alibeaj edhe Bardhi nuk flasin me kokën e vetë. Kam bindje që pas tyre qëndron Basha”, u shpreh Paloka.
Ndër të tjera, Paloka theksoi se këto takime të Bashës nuk do të kenë më asnjë ndikim, pasi Berisha do të vazhdojë të jetë pjesë mbledhjeve të tjera të grupit parlamentar të PD. “Sigurisht që do të jetë. Ne jemi mbledhur si në një mbledhje të zakonshme të grupit, pasi u rikthyem në normalitet. Alibeaj përsëriste disa herë të përjashtuarit ndërkohë që fliste për bashkim. Për të qenë i sinqertë pas gjithë asaj që ndodhi, 8 janari krijoi një lloj ekstremizimi të anëtarësisë pasi siç e keni ndjekur të gjithë, u përdor policia e Ramës me gaz kundër demokratëve. Për të qenë realist, nuk do jetë aq e lehtë kjo për t’u harruar”, tha ai.
Discussion about this post