Lulzim Basha, drejtues i PD-së zyrtare, ka zhvilluar një takim me të rinjtë dhe të rejat e Njësisë Administrative nr 11 në Tiranë, nga ku theksoi se angazhimi, përfshirja dhe motivimi i të rinjve në jetën publike, është shpresa për të ndryshuar Shqipërinë.
Duke iu drejtuar të pranishmëve, Basha tha se ata kërkojnë t’u jepen mundësi për të realizuar ambiciet dhe ëndrrat e tyre për të ardhmen, mundësi për arsim cilësor, punësim dhe një jetë më të mirë.
“Ne duhet t’u kthejmë besimin të rinjëve tek vota dhe politika. Për këtë ne kemi propozuar listat e hapura, që votuesit të kenë mundësi të zgjedhin vetë deputetin, jo kryetari.
Shqiptarët që jetojnë jashtë vendit, të kenë mundësi të votojnë në zgjedhje nga aty ku jetojnë, zgjedhjen e presidentit nga populli dhe pastrim i politikës nga të korruptuarit dhe personat me lidhje kriminale, lidhje të cilat i përdorin për të bletë vota dhe shantazhuar votuesit”, tha Basha.
Sipas tij, politika e vjetër dhe klientët e tyre brenda dhe jashtë politikës po bëjnë gjithçka për ta ndaluar.
“Ashtu siç nuk e ndaluan dot rininë të rrezonte rregjimin komunist, ashtu nuk do të mund ta ndalojnë as sot të sjellë ndryshimin që duan dhe presin shqiptarët”, tha ai.
Discussion about this post