Kryetari i Partisë Demokratike, Lulzim Basha e ka nisur javën duke postuar një video nga takimi që zhvilloi ditën e djeshme me demokratët në qytetin e Fierit.
Përmes një postimi në Facebook, Basha shkruan se demokratet kanë zgjedhur të ardhmen, duke shtuar se shqiptarët duan ndryshimin. Sipas tij, demokratët janë të çliruar nga e kaluara, dhuna dhe gjuha e urrejtjes.
“Demokratët janë të vendosur të sjellin një të ardhme më të mirë për të gjithë, të çliruar përfundimisht nga e kaluara, dhuna dhe gjuha e urrejtjes”, shkruan Basha.
Ndërsa Basha zhvilloi takimin në Fier, ish-kryeministri Berisha ishte në Shkodër ku gjithashtu pati një takim me demokratët e bazës ku tha se lëvizja e tij sapo ka nisur.
Discussion about this post