Nga Vau i Dejës ku zhvilloi takimin e rradhës, ish-kreu i PD-së, deputeti Lulzim Basha, tha se Shqipëria ka nevojë për pastrimin e politikës, ndarjen me krimin dhe largimin e politikanëve të korruptuar nga sistemi. Sipas tij, këtë mund ta realizojë vettingu në politikë.
“Ky është një hap i rëndësishëm i cili së bashku me hapjen e listave, ku deputet i zgjedhin qytetaret dhe jo kryetari, është garancia për krijimin e një qeverie dhe Parlamenti që do të jetë në shërbim të qytetarëve”, tha Basha.
Sipas tij, Partia Demokratike është gati të ndërtojë një aleancë gjithëpërfshirëse me të gjithë faktorët shoqëror, për një projekt ndryshimi që nis me adresimin e çështjeve që mbajnë të bllokuar sistemin politik dhe atë ekonomik:
✅ Listat e hapura;
✅ Vetting-un në politikë;
✅ Kufizimin e mandateve;
✅ Votën e diasporës;
✅ Zgjedhjen e Presidentit nga populli.
“Me mbështetjen e demokratëve, përgjegjësia ime do të jetë riorganizimi i PD, hapja ndaj të rinjve e të rejave, grave profesioniste, ngritja e urave të bashkëpunimit me këdo që beson te vlerat euroatlantike, për ta vënë politikën në shërbim të çdo qytetari që kërkon mundësi për të ndërtuar me ndershmëri një të ardhme më të mirë”, tha Basha.
Discussion about this post