Lulzim Basha, drejtues i PD-së zyrtare, tha se Serbia është delja e zezë e Ballkanit që po shkon drejt integrimit euro-atlantik.
Duke komentuar sulmin ndaj Veriut të Kosovës në një intervistë në Euroinews Albania, Basha tha se synimi në këtë skenar ishte pushtimi dhe ndarja e Kosovës.
Ai tha se aleati më i ngushtë i Aleksandër Vuçiç, shefi i shërbimit sekret serb, Vulin, është shpallur “non grata” nga SHBA.
“Kemi një strategji të Rusisë, e cila duket se po gjendet në vështirësi në frontin e parë, atë të Ukrainës, dhe po tenton të krijojë një front të dytë, duke përdorur si mish për top, Serbinë”, tha Rama.
Sipas Bashës, të dielën e kaluar në Veri të Kosovës, janë përvijuar dhe njëherë pllakat tektonike –gjeostrategjike, nga njëra anë interesat e komunitetit euro-atlantik të NATO-së për një Ballkan të paqtë, një Ballkan të cilin qytetarët mund të gëzojnë të drejtat e tyre parlamentare, një Ballkan që ka premisat të integrohet në BE, nga ana tjetër është ajo që po ndodh në lindje dhe që është materializuar së fundmi me konfliktin e tmerrshëm në Ukrainë.
“Është një Rusi revizioniste që nuk pranoi realitetin e ndryshimit të viteve ’90, por planifikoi dhe nisi rikthimin në një situatë siç ka qenë në vitin 1990. Synimi është të godasë, shkurajojë, dhe shkatërrojë arkitekturën e sigurisë që është një investim i përbashkët i SHBA dhe I BE dhe kjo është ajo që u manifestua dhe në Kosovë të dielën e kaluar, përpjekja për të i imponuar me dhunë Kosovës dhe së dyti Aleancës Atlantikut”, tha Basha.
Lidhur me deklaratat e Edi Ramës për Veriun e Kosovës, Basha tha se “janë dy skenarë: i pari që Kryeministri nuk e di se si funksionon KFOR në Kosovë dhe skenari i dytë është që ai e di, por kërkon daljen jashtë të Policisë së Kosovës nga Veriu. Nëse është kjo e dyta atëherë ndaj zotit Rama duhet të vendoset urgjentisht një mbikqyrje politike të gjithanshme”.
Basha tha se do të kërkojë një interpelancë në Kuvend me kryeministrin Edi Rama, i cili duhet të sqarojë deklaratën e tij.
“Në Kosovë po ndodh diçka që duhet të mbush me optimizem të gjithë shqiptarët. Kosova ka dëshmuar që institucionet e veta të sigurisë janë në përputhje me standardet e NATO-së.
Një javë më parë me çmimin e jetës së Bunjakut dhe plagosjen e një kolegu të tij, Kosova vërtetoi se është në gjendje të garantoj jetën, sigurinë, lirinë d e qytetarëve të saj.
Se çfarë po ndodh në fqinjin e saj është verior. Ngjarjet e javës së kaluar janë një pjesë e një mozaiku shumë të gjerë, Ditën e diel të javës se kaluar segmente paramilintare të përgatitura nga segmente shtetërore të Serbisë në bashkëpunim me një pale të tretë që është Rusia, tentuan lançimin e një pjese të planit për vënien nën kontroll me forcë të territorit të Veriut të Kosovës.
Ishte profesionalizmi i policisë së Kosovës dhe bashkëpunimi i ngushtë me institucionet euroatlantike që bën të mundur shkatërrimin e këtij plani dhe sprapsjen e efektivëve që i ishte ngarkuar ky plan.
Vënia në kontroll me dhunë e një pjese të territorit të një shteti të pavarur si Kosova është një situatë e rëndë për paqen për stabilitetin dhe sigurinë e Evropës Juglindore, ku ka anëtarët të NATO-së dhe të BE”, tha Basha.
Discussion about this post