“Referendumi nuk ishte për mua , por kundër Sekretarit Blinken”, kështu e quan kreu i PD-së Lulzim Basha, votimin e organizuar nga kundërshtari i tij Berisha.
Duke folur pas mbledhjes së Kryesisë së PD-së, ai e nisi me një falenderim për delegatët që morën pjesë në Kuvendin Kombëtar. Basha tha se sot PD është pastruar nga hijet e së shkuarës dhe është më pranë qytetarëve shqiptarë.
“Një falenderim të 5004 delegatëve të Kuvendit Kombëtar të cilët të mbledhur sot në Tiranë pasi morëm pjesë në një diskutim në një debat të hapur me përgjegjësi dhe liri të plotë vendosën me votën e tyre. Përkundër të gjithë presionit psikologjik të gjithanshëm erdhën dhe mbyllën një kapitull me të shkuarën dhe vendosën të ecim përpara. E bëmë këtë sepse shqiptarët prisnin nga ne ndryshimin më 25 prill dhe e presin edhe më shumë sot. Ditën e sotme të gjithë panë sesi demokratët zgjodhën të lënë pas hijet dhe u pastruam nga ato hije të se shkuarës. Jemi e para parti në Ballkan që jetësojmë aleancën me qytetarët me qëllim për të kthyer normalitetit në vend”- u shpreh Basha.
Basha komentoi me ironi edhe fotot e publikuara në media ku shihej dhëndri I ish kryeminstrit mbi makinën e tij.
“Sot PD ka patur vetëm një aktivitet demokratik Kombëtar: Kuvendin Kombëtar, I cili ka marrë vendimet me votën e 5004 delegatëve. Ka pasur edhe ndonjë dëm siç më thonë që paska pasur një dëm ndaj veturës që merr Partia Demokratike me qera për kryetarin, por në fund të fundit këto janë dëme kolatetale dhe e vetmja gjë që mund të them është të thërrasësh referendum se do hipesh ne pushtet dhe të hipësh në veturën e kryetarit të Partise Demokratike ështe paksa tallje me demokratet. Jam i bindur që demokratet e kuptojne si të tille.’ u shpreh Basha.
gijotina.com
Discussion about this post