Kreu i Partisë Demokratike zyrtare, Lulzim Basha ka treguar dy kushtet, të cilat sipas tij, janë të panegociueshme për të bashkuar votat me PS-në për miratimin e projektligjit për “Amnistinë Penale”.
Basha theksoi duhet të hiqet dorë nga propozimi për të përfituar zyrtarët e korruptuar dhe të përfshihen si përfitues të Amnistisë protestuesit e arrestuar.
“Dëgjuam një deklarim të PS për arsyen se pse u tërhoq nga amnistia. Shpresoj të jetë pjesë e gënjeshtrave të këtyre ditëve dhe të mos jetë pjesë e pazarit të gjësë së gjallë për të peshkuar deputetë për të votuar.
Përfitimi i protestuesve të PD dhe protestave qytetare është i panegociushëm. Hapi i parë që e zgjidh këtë, është heqja dorë nga propozimet që u futën tinëzisht për të përfituar zyrtarët e korruptuar.
Së dyti të futën propozimet e PD për tu përfshirë në amnisti protestuesit. Është kërkesë e PD, nuk është kërkesë për negocim, nuk është negocim është e domosdoshme. Nuk ka asnjë tërheqje, ta marrin parasysh ata që kanë shumicën e votave, është qëndrimi ynë dhe i pandryshueshëm”, u shpreh Basha.
Discussion about this post