Kyçja e firmave të grumbulluara nga Sali Berisha për Kuvendin e PD, ka sjellë sërish sot një reagim nga pala tjetër e kësaj partie. Basha ka zgjedhur sot që të mos i përgjigjet drejtpërdrejtë Berishës, por ka nxjerrë në një deklaratë për mediet sekretarin e Përgjithshëm, Gazmend Bardhi. Ky i fundit, ka publikuar një deklaratë të Flamur Nokës me 29 tetor, i cili tregon procedurat që duhet të ndiqeshin nëse mblidhen ¼ e votave. Sipas tij, votat e mbledhura dorëzohen në zyrën e Sekretarit të Përgjithshëm përmes një kërkese në protokoll. Në këtë kuadër, Bardhi ka bërë thirrje që edhe Berisha të bëjë këtë kërkesë dhe të respektojë rregullat që përcakton statuti.
“Të ndiqen procedurat sipas statutit të partisë. Sot nuk janë fyer vetëm çdo anëtar, por fyer dhe tallur dhe me atë pakicë që kanë besuar te lëvizja e zotit Berisha. Dhe sikur, të jetë siguruar 1 e teta apo e 10, vullneti i tyre nuk mbyllet dot në kasafortë dhe nuk bëhet show me vullnetin e demokratëve. Zëri i tyre do duhet të dëgjohet nga institucionet e partisë, dua të ripërsëris thirrjen time, që nxirrini firmat nga kasaforta, mos bëni show me gazetarë që nuk janë në gjendje të verifikojnë nëse janë nënshkruesti anëtare apo nëse janë demokratë, janë apo nuk janë gjallë. Dorëzoni kërkesën në protokollin e PD, jepini mundësi demokratëve të shprehin vullnetin e tyre të lirë. Unë dje ju shpjegova procedurën statutore, janë rregulla se si funksionin një institucion. Kjo parti është krenari e demokratëve, nuk tallet njeri me PD, rregullat janë të qarta, duhet të mblidhen institucionet. Të dëgjohet zëri i çdo demokrati”, tha ai.
Në përfundim, ai tha se duhet me patjetër të bëhen një kërkesë që të merren për bazë formularët e firmosur. Sipas tij, me këtë deklarate iu jepet përgjigje edhe LSI të cilët kanë dalë kundër Bardhit dhe Bashës që nuk pranojnë mbledhjen e firmave.
Discussion about this post