Lulzim Basha, ish-kreu i PD, përmes një postimi në rrjetet sociale, shkruan se shumica e heshtur e shqiptarëve kërkon një ndryshim rrënjësor në politikbërjen e vendit.
Basha shkruan se ndryshimin patjetër mund ta sjellim të gjithë bashkë.
“Sherret, akuzat dhe baltosja nuk mund të jenë përgjigjja për sfidat e mëdha që ka Shqipëria. Më shumë se 70% të qytetarëve e ka refuzuar këtë teatër politik, që nuk ka asnjë zgjidhje për familjet shqiptare”, shkruan Basha.
Postimi nga Lulzim Basha
Kjo kohë reflektimi më shërbeu të shihja edhe më qartë sesi ky sistem politik ka degraduar në një shfaqje që ka në qendër hallet e politikanëve, jo problemet e qytetarëve.
Sherret, akuzat dhe baltosja nuk mund të jenë përgjigjja për sfidat e mëdha që ka Shqipëria. Më shumë se 70% të qytetarëve e ka refuzuar këtë teatër politik, që nuk ka asnjë zgjidhje për familjet shqiptare.
Kjo shumicë e heshtur kërkon një ndryshim rrënjësor në politikbërjen e vendit, një ndryshim që patjetër mund ta sjellim të gjithë bashkë!
Discussion about this post