Lulzim Basha ka vijuar takimet me qytetarë, ndërsa ishte në një bshkëbisedim në njësinë administrative nr 11 në Tiranë, në kuadrin e një turi në funksion të zgjedhjes së kreut të ri të PD-së zyrtare, proces që do të mbahet më 29 korrik.
Pavarësisht kontestimit të zgjedhjes së kreut të ri nga pjesa dërmuese e deputetëve demokratë, Basha vijon të artikulojë tezat e tij për ndryshime kushtetuese dhe modernizim të PD-së.
Dhe njëherazi deputeti demokrat nuk lë pa përdorur togfjalëshin “Aleanca Qytetare për Demokracinë”, të cilin e konsideron si mjet në shërbim të bashkimit, pavarësisht bindjeve politike, por të qartë se ndryshimet kushtetuese dhe ligjore për të cilat vendi ka nevojë janë kushti paraprak për të çliruar potencialin e jashtëzakonshëm politik dhe ekonomik që vendi ynë ka.
Postimi nga Lulzim Basha
Hapja, modernizimi, fuqizimi i rinisë dhe qarkullimi i elitave brenda Partisë Demokratike do jenë pjesë e përditshme e përpjekjeve tona për të rritur besimin dhe inkurajuar angazhimin e të rinjve në politikë.
Ndryshimi që shumica e heshtur kërkon do të nisë nga familja jonë politike për t’u shtrirë më pas në të gjitha institucionet vendimmarrëse të vendit.
Ne do t’i bashkojmë forcat dhe energjitë tona me të gjithë shqiptarët që duan të kenë në duart e tyre pushtetin, për të zgjedhur dhe ndikuar në qeverisjen e vendit.
Aleanca Qytetare për Demokracinë është mjeti në shërbim të këtij bashkimi, pavarësisht bindjeve politike, por të qartë se ndryshimet kushtetuese dhe ligjore për të cilat vendi ka nevojë janë kushti paraprak për të çliruar potencialin e jashtëzakonshëm politik dhe ekonomik që vendi ynë ka.
Me listat e hapura, vetting-un e politikanëve, kufizimin e mandateve, votën e diasporës, zgjedhjen e Presidentit nga populli, duke i dhënë kopetenca kontrolli mbi vendimet e Parlamentit dhe qeverisë, ne çelim siparin e një debati të madh kombëtar, e me forcën e bashkimit do t’i bëjmë realitet.
Duhet t’i japim fund pushtetit pakufi, vendimmarrjes që bazohet në vullnetin e një individi, duke i dhënë peshë votës së qytetarëve dhe rritur mekanizmat e kontrollit nga Parlamenti.
Discussion about this post