Kreu i Partisë së Lirisë, Ilir Meta ka komentuar miratimin me 97 vota të projektligjit për hapjen e dosjeve të ish-bashkëpunëtorëve të Sigurimit, ku një pjesë e deputetëve të opozitës bashkuan votat me socialistët.
Në një konferencë për mediat, Meta hodhi akuza se deputetët e opozitës që e votuan, janë paguar nga Rama, ndërsa deklaroi se ish kreu i PD Lulzim Basha, nuk ka fuqi për hakmarrje politike.
Meta: Që nga dorëzimi i pushteti lokal, që nga bojkoti, gjithçka ka qenë një pazar, për ta kthyer jetën politike në pazar, Rama drejton dhe opozitën, ndaj ishte 2 Marsi që i dha një përpjekje të forta, ishte dhe dekreti i 6 Marsit, që tregoi se kush ishte opozita. Të gjithë duhet të distancohen, nuk na duhet një opozitë që i shërben një agjendë hajdutërie.
Pyetje: A është hakmarrje e Bashës bashkimi i votave?
Meta: Nuk ka fuqi Basha për të kryer asnjë lloj hakmarrje. Ata elektoral nuk kanë, moral nuk kanë, besë nuk kanë kështu që nuk kanë më se çfarë të bëjnë. Nuk ka më fuqi Basha, ai është peng i historive të veta. U miratua ligji i dosjeve për të marrë çfarë në këmbim? Ata kanë marrë lek, shikojini llogaritë, opozitarë më të suksesshëm në biznese nuk ka parë historia botërore.
Discussion about this post