Sulm të parapërgatitur e ka cilësuar Lulzim Basha atë që ndodhi në Veriun e Kosovës 1 javë më parë, duke shtuar se armatimi në Kosovë është futur prej muajsh.
Në një intervistë për Euronews Albania, Basha tha se sulmi në Veri ishte një skenar i ngjashëm me arë që ndodhi në Krime në vitin 2014.
Ai u shpreh se në këtë skenar është i përfshirë dhe presidenti serb Aleksandër Vuçiç, pasi sipas tij sulmi nuk mund të ndodhte pa ndihmën dhe miratimin e segmenteve shtetërore në Serbi.
“Duhet të pranojmë dhe komunikojmë se ajo që ndodhi në Kosovë nuk është një incident i izoluar.
Armatimi është futur në Kosovë prej muajsh, me qëllim për të provokuar një skenar që duket spontan por është i parapërgatitur, një skenar shumë i ngjashëm me atë që ndodhi në Krime në vitin 2014.
Asgjë nuk mund të ndodhte pa ndihmën dhe miratimin e segmenteve shtetërore në Serbi. Pyetja që shtrohet për Vuçiç është se deri ku shkon pjesëmarrja e tij në këtë skenar lufte, jo vetëm për Kosovën por për Ballkanin.
Është bashkëautor apo një president i marrë nga mashat e Rusisë, duke filluar nga Vulin? Deklarata e Radioçiç lë pak hamendësim që Vuçiç është kokë e këmbë brenda në këtë skenar”, theksoi Basha.
Discussion about this post