Lulzim Basha, i cili prek pak muajsh është rikthyer në krye të PD-së zyrtare, raportohet të ketë zhvilluar një takim informal me Presidentin Bajram Begaj.
Mbi takimin nuk ka informacione zyrtare, por raportohet se Basha ka kërkuar nga Presidenti të inicojë një tryezë me partitë politike lidhur me reformën zgjedhore. Sipas raportimeve, pavarësisht se Presidenti nuk ka ndonjë rol specifik lidhur me këtë proces, Basha i ka paraqitur të gjitha propozimet që ka përsa i takon reformës zgjedhore.
E ndërkohë, Gazment Bardhi me cilësinë e kreut të Grupit Parlamentar të PD-së ka thirrur mbledhjen e rradhës, ku si zakonisht do të jenë edhe deputetët e rreshtuar në krah t ëish-Kryeministrit Sali Berisha.
Mbledhja e Grupit të PD-së do të mbahet mesditën e së martës në Kryesinë e Kuvendit dhe në të pritet të diskutohet mbi agjendën parlamentare, ve`çanërisht pasi mazhoranca refuzoi ngritjen e Komisioneve Parlamentare, por edhe nuk miraton propozimet e bëra nga Grupi i PD-së për të zëvendësuar përfaqësuesit e opozitës në Komisionin për Reformën Zgjedhore.
Discussion about this post