Ditën e sotme Kreu i Partisë Deokratike, Lulzim Basha është takuar me Ministrin për Europën dhe Çështjet Ndërkombëtare të Austrisë, Michael Linhart. Lajmin e ka bërë të ditur, vetë Basha përmes një postimi në Facebook ku shkruan se fokusi i bisedave ka qenë integrimi i Shqipërisë në BE.
Ai shkruan se , ministri austriak ka garantuar atë se Austria do të ketë në prioritet e saj integrimin e Shqipërisë në BE, madje do të lobojë që mbledhja e parë ndërqeveritare të mbahet sa më parë
“Me kënaqësi prita Ministrin për Europën dhe Çështjet Ndërkombëtare të Austrisë, Z. Michael Linhart, të cilit i shpreha mirënjohjen për mbështetjen e çmuar dhe të kahershme të Austrisë për Shqipërinë, e në veçanti në përpjekjen tonë historike për integrimin në Bashkimin Europian. Ndava me të prioritetet e Partisë Demokratike për garantimin e zgjedhjeve të lira dhe të ndershme, për luftën kundër krimit të organizuar dhe korrupsionit, për prerjen e lidhjeve të politikës me krimin, që për shumë gjatë e kanë penguar dhe vonuar rrugëtimin tonë drejt BE-së.
Jam i lumtur që me Ministrin dhe përfaqësuesin e simotrës tonë Partisë Popullore të Austrisë, bashkëndajmë bindjen se Bashkimi Europian është alternativa e vetme për rajonin, si dhe e sigurova se anëtarësimi i Shqipërisë në BE mbetet prioritet absolut i Partisë Demokratike, si garanci për ndërtimin e një të ardhmeje më të mirë për qytetarët shqiptarë,” shkruan Basha, ndërsa thekson se Linhart ka dhënë sinjale pozitive edhe për bashkëpunime ekonomike të shumta mes dy vendeve.
Discussion about this post