Një ditë pasi u fotografua në avion, zbulohet destinacioni për ku ishte nisur kryedemokrati Lulzim Basha. Vetë Basha ka postuar sot një status në Facebook ku tregon se ka zhvilluar një takim me ministrinë e Jashtëm të Vatikanit, Kryeipeshkvi Paul Richard Gallagher.
Ndërsa poston foto nga Vatikani, Basha thekson se ka diskutuar me ministrin Gallagher për aktualitetin në vend që nga situata e vështirë ekonomike tek korrupsioni që po jua vështirëson jetën shqiptarëve.
“Diskutuam për sfidat me të cilat po përballet Shqipëria, nga situata e vështirë ekonomike tek korrupsioni që jua bën më të vështirë jetën shqiptarëve. Të dhënat e fundit tregojnë se është thelluar pabarazia dhe shumica dërrmuese e qytetarëve shqiptarë janë zhytur në varfëri. Shpreha vullnetin tim dhe të PD për të bërë gjithçka në luftën kundër korrupsionit, një betejë jo e lehtë, por rruga e vetme për të kthyer shpresën, zhvillimin dhe mirëqenien për qytetarët tanë”, shkruan Basha.
Kreu i PD thekson ndër të tjera, se në takim kanë diskutuar dhe për Kosovën, dhe njohjen reciproke për t’i mbyllur rrugë çdo mundësie për destabilizim në rajon.
Discussion about this post