Kreu i PD-së, Lulzim Basha, në 33 vjetorin e rrëzimit të bustit të Enver Hoxhës, ka goditur indirekt liderin e opozitës, Sali Berisha, duke u shprehur se ka ardhur koha që të “largojmë mbeturinat e shtatoreve brenda vetes sonë”.
Në aktivitetin “Përballja me të kaluarën, multiperspektiva në histori”, Basha u shpreh se duhet nisur misioni, sipas tij, i vështirë për emancipimin e shoqërisë shqiptare nga mbetjet e diktaturës.
Të hedhim tutje mitet e rreme, të largojmë mbeturinat e shtatoreve brenda vetes sonë, të kuptojmë se frika si instrument sundimi, pavarësisht se në çfarë dimensioni, është dhe mbetet trashëgimi e të kaluarës, dhe të nisim misionin e vështirë të emancipimit të shoqërisë shqiptare nga diktatura, mbetjet e diktaturës.
Ta nxjerrim shoqërinë shqiptare nga hijet e të shkruarës, pavarësisht formave e mënyrave që na serviret.
Sot është një ditë për t’ju kthyer emocioneve të gëzueshme, të përmbys së frikës ato 24 orëve të 20 shkurtit dhe të zotohemi që ato emocione t’i kthejmë në normalitet për Shqipërinë e shqiptarët.
Basha tha se hapja e dosjeve të ish-Sigurimit të Shtetit është një premtim i pa mbajtur.
“PD ka dërguar në parlament një propozim i cili synon lustracionin, hapjen e plotë të dosjeve edhe si shërbim ndaj demokracisë, eleminim i atyre që kontrollojnë në mënyrë të paligjshme dosjet, për të ushtruar presion, hapja e dosjeve është një premtim i pa mbajtur, dështim pa asnjë ekzagjerim epokal, në periudhën që po përjetojmë, të ringjalljes së aspiratave sunduese të Rusisë putiniste dhe aleatëve të vet të fshehur të Ballkanit Perëndimor siç është Serbia e Vuçiç. Ekspozimi i plotë i agjenturës jugosllave dhe sovjetike në Shqipëri. Të hedhim tutje mitet e rreme, të largojmë mbeturinat brenda vetes sonë”, tha ai.
Discussion about this post