Pas mbledhjes së zhvilluar me grupin parlamentar të PD, kryedemokrati Lulzim Basha ka dalë në një deklaratë për mediet, nga ku i ka bërë thirrje SPAK që të fillojë hetimet për çdo politikanë dhe për çdo zyrtarë të lartë, duke filluar që nga kryetarë bashkish dhe deri tek kryeministri. Sipas tij, kjo kërkesë do të depozitohet shumë shpejt në Kuvend, përmes një amendamenti të posaçëm.
Ndër të tjera ai tha se, janë gati edhe dy amendamentet për ndryshimet që do të propozohen rreth Reformës Zgjedhore dhe atë Territoriale, për të cilat ai deklaron se janë ndryshuar në mënyrë jo të drejtë.
“I uroj punë të mbarë Komisionit Hetimor për 25 prillin në zbardhjen e kësaj masakre si një parakusht në kthimin e vendin në shinat e demokracisë dhe legjitimitetit, që lidhet me mirëqenie, me rrogat e shqiptarëve me fatet dhe sigurinë. Grupi i PD ka miratuar sot vendimit për të depozituar amendamentet kushtetuese për zhbërjen e ndryshimeve të njëanshme të Kushtetutës së 30 korrikut dhe miratimin e Komisionit të Reformës Zgjedhore, amendamentin për vettingun e Politikanëve, është një qëllim legjitim dhe respektojnë edhe kërkesën për propocionalitet, SPAK të marrë përsipër evidentimin një për një të çdo deputeti, kryebashkiaku, ministri, kryeministri, kreu i shteti për lidhjet me krimin, pasuritë, për personat vetë, familjarët dhe ortakët e tyre, Dhe hapja e rrugë së reformës territoriale”, u shpreh Basha.
Më tej Basha tha se nuk do të ketë asnjë pazar me mazhorancën për këtë çështje.
“Kthimi i ndryshimeve të nëjanëshme të 30 korrikut sikundër komisioni zgjedhor që do të formohet ka për detyrë të shtrojë cështjet që kanë në bëjmë me sistemin zgjedhor. Nuk bëjmë pazar dhe nuk futemi për pazar. Këto janë cështje të rëndësishme për shqiptarët. Nuk ka zhvillim, ka vetëm emigracion kjo nuk mund të jetë pazar për ne”, tha Basha
Vazhdimisht PD i ka kundërshtuar ndryshimet që iu bënë reformës zgjedhore, madje ka deklaruar se jetë shqetësim ia kanë paraqitur edhe SHBA. Sipas Partisë Demokratike, ndërhyja në Kushtetutë për të ndryshuar reformën zgjedhore ishte shkelje e drejtpërdrejtë e ligjit dhe u bë e qëllimshme nga mazhoranca për të vjedhur më lehtë zgjedhjet e 25 prillit.
