Kryetari i PD-së, Lulzim Basha deklaroi se vendimmarrja që u mor në 9 shtator në lidhje me pezullimin nga grupi parlamentar të Sali Berishës ishte përgjegjësi dhe barrë që i takonte lidershipit të partisë.
Në një intervistë për ‘News24’, Basha tha se ky është parim i zgjedhur nga rregullorja e miratuar më 2018-ën.
“Jam një kryetar i zgjedhur sipas statusit me parimin një anëtar një votë. Ky nuk është privilegj, por përgjegjësi. Përgjegjësia që merret nga anëtarësia, është që lidershipi të marrë vendime të tilla, te bazuara në statut dhe rregullorja, të miratuara kur Berisha ka qenë anëtar i PD. S’mundet kurrsesi që të ishte një akt lidershipi që të vendosja cilindo forum, kryesi, para zgjedhjeve që nuk është zgjedhje mes SHBA dhe Sali Berishs. Është barra e lidershipit, arsyeja se pse demokratet e zgjedhin kryetarin me këtë parim. Kjo rregullore është miratuar në 2018-ën” – ka thënë Basha.
Kryedemokrati gjithashtu pohoi se ai nuk mund të komentojë vendimin e SHBA-ve për shpalljen non-grata të Sali Berishës, ndërsa shtoi se këto kohë ka takuar shumë zyrtarë amerikanë që kanë qenë unison në vendimin e tyre.
Discussion about this post