Deputeti i PD-së, Lulzim Basha, i ftuar në emisionin “Open” është shprehur se “problemi i Edi Ramës” është me të dhe jo me ish-kryeministrin Berisha.
Edhe pse ka humbur disa palë zgjedhje rresht përballë kryesocialistit, Basha tha se Rama e mund Berishën sa herë t’i dojë qejfi, por me të e ka problem.
“Ramën nuk e kam lënë të vijë në pushtet në 2009-ën. Ai e di që Berishën e mund sa herë t’i dojë qejfi. Prandaj pasi e mund e ngre, i fut serumin dhe e mban në këmbë. Problemin Rama e ka me Lulzim Bashën, pikë. Ai e ndjen peshën time elektorale. Unë nuk jam i ngjitur pas karriges, e bëj sepse besoj se mund të ndryshojë Shqipëria. Nuk e kam lidhur ekzistencën time fizike, financiare me politikën. Unë jam i vetmi që u dal jashtë hesapit. Berisha ka pasur të mirat dhe të këqijat e veta, por nuk ka më cfarë t’i japë PD-së. Vetëm mund ta pengojë”, u shpreh ai.
Discussion about this post