Kryedemokrati Lulzim Basha i është bashkuar listës së politikanëve që kanë uruar Ditën e Rinës, duke e cilësuar si ditën që ndau të shkuarën nga e ardhmja dhe ndryshoi përgjithmonë historinë e vendit tonë.
Përmes një postimi në Facebook, Basha nuk harron të sulmojë as qeverinë, teksa shkruan se pas 30 vjetësh gjendemi sërish përballë një diktature.
“8 Dhjetori 1990, është dita që ndau të shkuarën nga e ardhmja dhe ndryshoi përgjithmonë historinë e Shqipërisë. 31 vite më vonë, thirrja për Shqipërinë si gjithë Europa mbetet një kushtrim për të përmbushur amanetin e të rinjve dhe të rejave që sakrifikuan për liri e demokraci, si dhe për të mbajtur gjallë forcën, guximin dhe idealet e Dhjetorit ‘90, përballë një tjetër diktature, që po varfëron dhe largon bijtë dhe bijat e shqiptarëve, atë të korrupsionit. Gëzuar 8 Dhjetorin!”, shkruan Basha.
Lideri demokrat do të zhvillojë më vonë një takim me të rinjtë në “Art Turbina” në kuadër të kësaj dite më një domethënie kaq të veçantë.
Discussion about this post