Basha uron kryetarin e ri të CDU-së: Kënaqësi të punoj me ju

Kryetari i Partisë Demokratike, Lulzim Basha, ka uruar Friedrich Merzpër për fitoren e tij në zgjedhjet brenda partisë së djathtë gjermane, CDU.

Në një postim në Twitter, Basha shkruan se e pret me kënaqësi bashkëpunimin me kryetarin e ri të CDU-së, për të zhvilluar marrëdhëniet e ngushta mes PD-së dhe CDU-së, por edhe për të siguruar mbështetjen tuaj për integrimin europian të Shqipërisë

“Përgëzime @_FriedrichMerz dhe urimet më të mira për zgjedhjen tuaj si lideri i ri i @CDU. Pres me kënaqësi të punoj me ju, jo vetëm për të zhvilluar marrëdhënie më të ngushta ndërmjet partive tona, por edhe për të siguruar mbështetjen tuaj për Integrimin Europian të Shqipërisë” – shkruan Basha në Twitter.