Një ditë pas rivalitetit për shikime në rrjetet sociale të liderit të Partisë Demokratike, Lullzim Basha, dhe ish-liderit historik, Sali Berisha, duket se është fituar nga Basha pasi ka më shumë shikime se Sali Berisha. Konkretisht Basha ka arritur në 138 mijë shikime, kundrejt 116 mijë shikimeve të Berishës.
Ditën djeshme në përkujtimin e 8 dhjetorit si ditën e rinisë, lideri i Partisë Demokratike Lulzim Basha dhe ish-liderin e kësaj partie, Sali Berisha, e përkujtuan në mënyra të ndryshme.
Kryetari i PD-së, Lulzim Basha, mori pjesë në aktivitetin e organizuar nga Fondacioni për Liri dhe Demokraci në Partinë Demokratike, në sallën e “Art Turbina”, ku ishin të ftuar ish-student të lëvizjes së dhjetorit të 90-ës, si dhe të rinj dhe drejtues të PD-së.
Ndërkohë nga ana tjetër, ish-lideri historik Sali Berisha kishte zgjedhur që këtë ditë ta përkujtonte me një homazh në Qytetin Studenti, tek busti i heroit të demokracisë, Azem Hajdari. Në aktivitetin e tij ishin të pranishëm të rinj të Forumit Rinor të Partisë Demokratike dhe figura të PD që i janë bashkuar në aksionin e “Foltores”.
Por, përpos përkujtimit që i bënë kësaj dite, kjo ishte hera e parë që Basha dhe Berisha ishin live në të njëjtën kohë. Dhe nga ajo që u vu re live, kreu i PD-së Basha kishte më shumë ndjekës se Berisha në rrjetet sociale, kryesisht në Facebook. Basha në kohë reale kishte 6100 shikime, ndërsa Berisha kishte 1500 shikime.
Gijotina.com
Discussion about this post