Kreu i Partisë Demokratike gjatë fjalës së tij në konferencën e fundit për vitin 2021, u shpreh se duhen tre hapa për të pastruar politikën shqiptare. Sipas tij reforma e thellë zgjedhore, reformë që përfshin dhe Kushtetutën dhe vetimin e politikanëve, pika të cilat opozita i ka kërkuar vazhdimisht gjatë këtij viti.
“Pastrimi i politikës përmes 3 mënyrave, së pari zgjedhjet. Patronazhistët, një konfirmim i partisë-shtet, u konfirmua nga afera e inceneratorëve. Çlirimi i zgjedhjeve nga rrethimi i shumëfishtë, nuk mund të kryhet vetëm me disa hapa korrektivë, me ligjin e reformës zgjedhore. Kërkohet një reformë e thellë e cila të përfshijë dhe Kushtetutën. Një reformë e tillë kërkon dhe shoqërinë” tha Basha.
Basha theksoi se këto janë kushtet e opozitës për të ecur përpara, pasi sipas tij në parlament nuk përfaqësohet vullneti i sovranit, kjo për shkak të vjedhjes së votave përmes asaj të cilës kryedemokrati i referohet si masakër zgjedhore.
“Ky është një kusht pa të cilin nuk mund të ecet përpara, arsyeja kryesore që PD ndodhet në një parlament që nuk përcakton vullnetin e qytetarëve, ku pakica është shumicë jo prej votës së shqiptarëve por prej masakrës zgjedhore.
E dyta mënyrë është që drejtësia të bëjë përpara. Hapat e parë janë inkurajues. Shqiptarët meritojnë më shumë dhe më shpejt, transparencë brenda kushteve të sekretit hetimor dhe hapi i tretë është vettingu i politikanëve. Iniciativa jonë nuk është për të larë gojën. Bashkë me ligjin antimafia, janë mënyra e vetme për të çliruar Shqipërinë”, deklaroi Basha.
Discussion about this post