“Bashkë Fitojmë” padit KQZ-në: Të shkruhet emri i Berishës në fletë

Koalicioni ‘Bashkë Fitojmë’ i është drejtuar Kolegjit Zgjedhor me kërkesë shfuqizimin e vendimit të KAS për vendosjes e emrit të Ilir Metës në fletën e votimit.

Teksa KAS vendosi të mërkurën që krah koalicionit “Bashkë Fitojmë” të vihet emri i kreut të Partisë së Lirisë, Ilir Meta, në fletën e votimit të zgjedhjeve vendore të 14 majit, përfaqësuesit e koalicionit “Bashkë Fitojmë” kanë depozituar në Kolegjin Zgjedhor kërkesë padinë ku insistojnë që në fletën e votimit të jetë emri i ish-kryeministrit Sali Berisha dhe jo ai i Metës.

“Ndryshimin e vendimeve nr.362 dhe 362 të KSH, datë 15.04.2023, duke ndryshuar përmbajtjen e fletës së votimit për kandidatët për anëtarë të këshillit bashkiak, Bashkia Tiranë si edhe për 60 bashkitë e tjera në vend, duke vendosur përbri emrin e Koalicionit “Bashkë Fitojmë” emrin e z.Sali Berisha”.

Menjëherë pas këtij vendimi, ata anë të një shkresë dërguar Komisionit Qendror të Zgjedhjeve, bënë të ditur se drejtuesi i koalicionit opozitar “Bashkë Fitojmë” ishte Sali Berisha.