Pjesë e grupit “Për PD”, krijuar për dorëheqjen e kreut aktual Lulzim Basha, dhe reformimin e PD-së, ishte edhe ish-Presidenti Bujar Nishani.
Gjatë fjalës së tij, Nishani u shpreh se nëse do të ketë një bashkëpunim mes PD-PS do të ishte një “thikë pas shpine” për demokratët.
“Nëse ka një tentativë të tillë do të realizonte atë që është droja më e madhe e opinionit publik, një droje që ka ekzistuar edhe brenda PD, për ta kthyer në një aneks të Edi Ramës, asgjësimi i PD, por unë jam e bindur që kjo tentativë për ta asgjësuar apo për ta kthyer në një aneks të padëgjueshëm për qytetarët. Do ishte thika më e helmatisur pas shpine”, tha Nishani.
Gjithashtu, ish-presidenti ka folur për herë të parë duke akuzuar kryedemokratin Lulzim Basha se ka hedhur poshtë punën e Komisioni të vlerësimit të kandidaturave, teksa tha se selia e PD e cilësoi “Komisioni Nishani”.
“Selia e PD e ka etiketuar “Komisioni Nishani”, kam vajtur se kam dashur që të mbajë përgjegjësi për kontributin, ka qenë kolegjial, pa kryetar, vendimet e komisionit janë subjektive se njerëzit marrin vendime subjektiv. Puna e Komisionit u hodh në kosh, nuk u mor parasysh, ndonëse anëtarët dhe vendimit ishin me akte nga Kryesia, dhe kjo punë u hodh poshtë dhe qytetarët janë ndikuar, që edhe për një proces që mund të ishte pozitiv, për hir të interesave të një njeriu që paraqiti listat e deputetëve u hodh poshtë. Nuk e mendoja se Komisioni do ishte një farsë, kam besuar që do të respektohej Komisioni, ne kemi bërë një punë shumë serioze, shumë të përgjegjshme. Nuk dola në fushatë se do bëja një gabim politik në interes të PD, angazhimi im në Komision ishte në interes të PD, fushata elektorale mendoja se ishte në funksion të PD”, tha Nishani.
