Deputeti i PD, Enkelejd Alibeaj u pyet sot nëse ka pasur tentativa për të komunikuar dhe për të njësuar agjendën parlamentare të PD me deputetët mbështetës të Sali Berishës, apo nëse do ketë aksion jashtë Kuvendit, si protestat që ka paralajmëruar PD dhe Partia e Lirisë.
Pasi prezantoi prioritetet e grupit të tij mbështetës për këtë sesion te ri parlamentar, Alibeaj i devijoi pytjes duke thënë se deputetët kanë qëndrimin e tyre për zhvillimet që ndodhin.
“Ato që u deklaruan sot ishin prioritetet parlamentare, unë nuk dua asnjëherë të ngelem pas me të shkuarën, çoroditja e opozitës e ka bërë të lehtë Ramës të bëjë përshesh, sot duhet të kalojmë në akte e veprime konkrete, ajo që na bën bashkë janë këto çështje e prioritete, si reforma legjislative dhe kontrolli parlamentar, aksioni politik është ai që na bën bashkë. Disa kanë filluar, reformat, dekomunistizimi e aty secili do mbajë qëndrimin e vet. Për ne, ajo që na bën bashkë janë këto gjëra, deputetët kanë qëndrimin e optikën e tyre për çështjet, për këto çështje s’ka asnjë ndasi mes nesh”, tha Alibeaj.
Discussion about this post