Pas seancës së fundit gjyqësore u vendos që ish-drejtori i policisë së Vlorës, Jaeld Çela, të transferohet në burgun e Fierit, aty ku po vuan dënimin dhe ish-ministri i Brendshëm, Saimir Tahiri. Çela është dënuar me 3.4 vite burg për shpërdorim detyre.
Në nëntor 2017 prokuroria e akuzoi Çelën se në bashkëpunim me Ministrin Tahiri ndihmonin bandën e Habilajve për të trafikuar drogë. Prokurorë të çështjes asokohe ishin Besim Hajdarmataj, Elisabeta Imeraj dhe Gentian Osmani.
Në deklaratën e tij Çela thekson se është i pafajshëm teksa këmbëngul se nuk i njeh anëtarët e bandës së Habilajve. Ai shprehet se në dosjet e çështjes emri i tij nuk përmendet në asnjë përgjim apo komunikim mes të dyshuarve.
Ndaj tij u ngritën akuzat për shpërdorim detyre, trafik droge, aktivitet dhe përfshirje në grup të strukturuar kriminal, por Gjykata e Shkallës së Parë e Krimeve të Rënda e dënoi me 3 vite e 4 muaj burg vetëm për shpërdorim detyre. Asaj kohe ai u arratis dhe i vetëdorëzua në fund të 2020. Ndërsa tashmë është vendosur që të kryej dënimin sëbashku me Saimir Tahirin.
Discussion about this post