SPAK ka thelluar hetimet lidhur me abuzimin me tenderat në Bashkisë e Lushnjes. Mësohet se, në prangat e policisë ka rënë dhe nënkryetari i Bashkisë, Gentian Nushi si dhe drejtori i prokurime publike, Leonard Sefa.
Në tenderin për rehabilitimin e kanalit ujitës, që vuri në pranga Tushen, janë evidentuar shkelje ligjore, te kryera edhe nga Nushi dhe Sefa, të cilat formojnë elementët e veprës penale të “Shkeljes së barazisë së pjesëmarrësve në tendera apo ankande publike”, kryer në bashkëpunim.
Personat nën hetim, në bashkëpunim me Tushen kanë bërë të mundur që këtë procedurë prokurimi ta fitonte me dokumentacion firma EURO – ALB shpk, me përfaqësues B. M., duke krijuar avantazhe për këtë subjekt gjatë procedurës së prokurimit.
Gjithashtu, këta persona kanë kryer veprime të kundërligjshme edhe gjatë tri procedurave të tjera prokurimi. Në të gjitha këto procedura prokurimi është konstatuar se procedura e përpilimit/hedhjes së dokumenteve të këtyre tenderave dhe procedura e vlerësimit të ofertave është kryer nga personat nën hetim dhe jo nga anëtarët e NJP dhe KVO-së, duke kryer një procedurë fiktive, të organizuar dhe ekzekutuar nga këta dy persona.
Më herët, kryetari i Bashkisë së Lushnjës, Fatos Tushe është arrestuar nga policia, pasi akuzohet për “shpërdorim detyre në bashkëpunim”.
Discussion about this post