Një krim brutal në familje tronditi të dielën Zakynthos, në Greqi, ku një 41-vjeçare nga Shqipëria, u ther me thikë kuzhine nga bashkëshorti i saj 51-vjeçar, Vladimir Beqiraj. Ndërkaq policia zbulon se 51-vjeçari e ka dhunuar sistematikisht viktimën, ndërsa 41-vjeçarja Lonora Serini ka marrë masa duke e denoncuar në polici për rrahje.
Megjithatë, gruaja ishte e bindur se burri i saj e kishte kapërcyer xhelozinë patologjike që kishte për të dhe kështu vendosi ta falte 51-vjeçarin.
Mediat greke kanë publikuar emrin dhe foton e viktimës, teksa shkruajnë se varrimi do të bëhet me 5 gusht në Shqipëri.
Ngjarja të dielën
Gjatë një debati që çifti ka pasur, 51-vjeçari ka humbur kontrollin, ka rrahur rëndë 41-vjeçaren dhe ajo e ka denoncuar sërish.
Pak orë më vonë ajo u gjet e pajetë nga thika që mbante 51-vjeçari, me të cilën ai arriti ta godiste dy herë në qafë dhe në gjoks.
Discussion about this post