Një shtetase 47-vjeçare ka denoncuar një klinikë private ku bashkëshorti i saj ka kryer disa analiza mjekësore, por nuk është diagnostikuar siç duhet.
47-vjeçarja me iniciale T. M., tregon se më datë 19 Maj, bashkëshorti i saj ka humbur jetën në shtëpi, ndërsa ka ngritur pretendime të forta se klinika ku ai shkoi për të kryer vizitat mjekësore, nuk ka dhënë diagnozën e duhur, duke u bërë shkak dhe për vdekjen e bashkëshortit të saj, referuar denoncimit të 47-vjeçares.
“Në Komisariatin e Policisë Kolonjë ka kallëzuar shtetasja T. M., 47 vjeçe, se më datë 19.05.2025, në banesë, ka humbur jetën bashkëshorti i saj, dhe pretendon se stafi i klinikës mjekësore ku ai ka kryer analizat, nuk e diagnostikuar si duhet”, njofton policia.
Discussion about this post