Brenda një dite Bashkia Krujë “i ka këputur” 90 milionë lekë, përmes dy tenderëve korruptivë. Ndonëse në media çdo ditë po denoncohen tenderët në shkelje nga këto institucione, gjithashtu KPP ka anuluar me dhjetëra të tillë, sërish vendorët nuk pyes. Bashkia Krujë, gjithashtu ka qenë në qendër të vëmendjen për tenderët problematikë, por këtë herë vjen me dopio.
Me datë 27 prill ka shpallur fituesin për tenderin me objekt “Blerje ushqime me origjine shtazore”, i cili kap vlerën e 2 255. 750,00 ose 22 milionë lekë të vjetra. Së pari, në këtë ngrihet pikëpyetja se çfarë gatuhet për punonjësit e bashkisë, që duhen shpenzuar 22 milionë lekë. Pasi në dokument sqarohet qartë që këto ushqime do të shkojnë vetëm për institucionin e bashkisë, duke qenë se është autoriteti prokurues dhe institucioni prokuruese i këtij tenderi. Kaq shumë para këto bashki të vogla nuk i shpenzojnë për çerdhet, konviktet, apo azilet e të moshuarve, që në të vërtet kanë nevojë për furnizime. Me pak fjalë Bashkia Krujë është kthyer në një mensë për punonjësit e saj, që detyrat nuk i kryejnë.
Ndërkaq, po të ecim më tutje vërejmë se ky tender ka shkelur rregullin kryesor të ligjit të prokurimeve, atë për konkurrencë të drejtë. Në fakt, në këtë rast nuk ka pasur fare konkurrencë, pasi ka paraqitur ofertë vetëm kompania ‘‘M.C.CATERING” sh.p.k . Pa zhvilluar një garë sipas ligjit Bashkia Krujë ja ka dhënë tenderin kësaj kompania, e cila ka shkelur një tjetër rregull pasi ka paraqitur ofertë shumë të lartë, 99% sa fondi limit. Kur, ligji i prokurimeve kërkon që të merren në konsideratë oferta me vlerë më të ulët.
37 milionë lekë për mekanik
Po me datë 27 prill, pas tenderit për ushqime, Bashkia Krujë nuk është kënaqur me vjedhjen që ka bërë dhe ka hapur një tender për mekanik. Nuk e di se sa mekanikë mban kjo bashki, ama dokumentet tregojnë se për këtë shërbim, që i ofrohet vetëm Bashkisë do të shpenzohen 37 milionë lekë. Gjithsesi, ajo që e bën më problematik këtë tender është se nuk ka pasur një garë, pasi edhe në këtë raste ka paraqitur ofertë vetëm një kompani.
Në dokumentet e publikuara tregohet se ka paraqitur interes vetëm kompania ‘’ALI VESELI’’. Këtu Bashkia Krujë në vend që të anulonte tenderin, ka shpallu këto kompani fituese në 10 ditë. Prandaj ky tender është klasifikuar në projektet me “Red Flag”, çka do të thotë që kanë hapësira për abuzime dhe cenojnë konkurrencën në treg. Kështu bëhet tenderi i dytë që brenda 4 ditësh Bashkia Krujë e mbyll pa garë dhe ka shpallur fituese kompani që kanë dhënë oferta shumë të shtrenjta. Tani KPP dhe APP duhet të zgjohen, pasi tenderët pa garë nga kjo bashki “ulërasin” dhe tregojnë hapur korrupsionin që po bëhet./ E.H/Gijotina.com/
Discussion about this post