Kreu aktual i Bashkisë së Vlorës, Dritan Leli ka dhënë një deklaratë për ‘Faxweb’ në lidhje me situatën aktuale që po ndodh mes Bashkisë dhe Këshillit në Vlorë. Ai është shprehur se anëtarët e Këshillit, ishin të informuar se mbledhja nuk do të zhvillohej në ambientet e Teatrit ‘Petro Marko’ por online.
Më tej, Leli u shpreh se nuk mund të lejonte që të organizohej një mbledhje e tillë në një ambient të mbyllur pasi bie në kundërshtim me rregullat anti-Covid.
Dritan Leli: Une ju falenderoj për raportimin e situatës që është krijuar. Do të publikoj fjalën time në mbledhje aty ku këshilltarët nuk u paraqitën, do ishte më korrekte që të tregonit atë. Kam përsëritur herë pas here se përse nuk duhet të zhvillohet në Teatër. Nuk mund të lejoja që në një ambient të mbyllur, të realizohej një aktivitet që është jashtë radhës së Këshillit. Dua tju lajmëroj se stafi e ka marrë me seriozitet mbledhjen që do të zhvillohej online, kanë qënë të njoftuar me email. Por kanë zgjedhur që të shkojnë në sallën e Teatrit Petro Marko, që është i mbyllur.
Pyetja: Pse nuk e pranuan?
Dritan Leli: Unë nuk dua që të ketë nuanca politike, dua tju garantoj qytetarëve se jam në krye të punës. Janë të lutur që të sjellin cdo infromacion për cdo paqartësi që kanë për Vlorën. Nuk besoj se duhet të përsëris dhe një herë. Nuk ka ndryshuar asgjë, mbledhjet e fundit kanë qënë kryer online. Nuk di pse quhet alarmante situata në Vlorë, kur në Durrës ishte më shumë se kaq. Unë jam njeri që inspektoj qytetin e Vlorë, gjatë githë ditës. Nuk pretendoj se Vlora është në maksimumin. Ne kemi problematikat që ka cdo qytet bregdetar.
Mbledhja e Këshillit të Vlorës pritej të zhvillohej ditën e sotme në orën 10:00 në ambientet e Teatrit ‘Petro Marko’. ‘Gjyqi publik’ për Lelin u kërkua nga përfaqësuesit e PS-së në Vlorë, pas refuzimit të tij për tu larguar nga posti i kryetarit të Bashkisë. Leli dërgoi një letër kryetares së Këshillit, aty ku në arsyetim shkruante se mbledhja binte në kundërshtim me rregullat anti covid.
