Bashkia Dibër përdor metodën e bërjes së tenderave me vetëm një operator ekonomik, duke mos respektuar garën dhe konkurrencën në procedura që janë disa milionë lekëshe. Bashkia Dibër ka shpallur fituesin e një tenderi kohëzgjatja e të cilit do të jetë 42 ditë që nga dita e lidhjes së kontratës. Bëhet fjalë për tenderin me numë reference REF-12548-11-23-2021, që ka si objekt sistemimin dhe asfaltimin e rrugës së fshatit Majtarë e Poshtme, në Dibër. Ky tender me fond limit 13.989.021 lekë pa TVSH ose 140 milionë të vjetra është fituar nga operatori Selami Sh.P.K, që në fakt rezulton i vetmi konkurrues në këtë tender.
Tenderi në fjalë është cilësuar me “red flag”, kjo për shkak të mungesës së konkurrencës, pasi operatori fitues është i vetmi që ka paraqitur ofertë dhe rrjedhimisht ka fituar garën për asfaltimin.mirëmbajtjen e një rruge fshati, duke iu akorduar shuma prej 130 milionë lekë të vjetra. Por ky nuk është tenderi i vetëm i klasifikuar me ‘red flag’ për këtë operator. Bashkia Dibër, nën drejtimin e Shkëlqim Murrjas ka shpallur fitues pa garë operatorin Selami sh.p.k në tenderat mëposhtë:
Tenderi me numër reference REF-36793-09-23-2019, që ka si objekt ndërtimin e një shkolle 9-vjeçare në fshatin Kërçisht, Dibër i është dhënë pa garë subjektit në garë, duke skualifikuar nga gara të gjithë konkurruesit e tjerë, ndërsa fondi limit i këtij tenderi është 44 552 166 lekë të reja ose rreth 450 milionë lekë të vjetra. Ndërkohë saga e tenderave pa garë për operatorin Selami sh.p.k vijon dhe në Bashkinë Bulqizë nën drejtimin e Lefter Allës. Bëhet fjalë për të paktën tre tendera në shkelje të plotë të ligjit të konkurencës.
Discussion about this post