Pas krizës energjetike, investimet e dobëta në vend, kanë bërë që prej vitesh Shqipëria të përmbytet, e populli të ngelet në mëshirë të fatit. Në këto kohë, bashkitë shfrytëzojnë rastin të hedhin tendera pa garë, duke shpenzuar miliona lekë nga buxheti i shtetit. Mungesa e investimit në infrastrukturë dhe mosndërhyrja në kanalet kulluese, kanë sjellë rrugë e toka të shkatërruara nga pushteti i reshjeve të dendura të shiut.
Bashkitë kanë rritur detyrimet e prapambetura gjatë këtij viti duke u justifikuar se nuk kanë të ardhura t’i shlyejnë ato. Sipas raportimit nga gijotina.com shumë prej tyre nuk kanë bërë as investimet që kishin planifikuar për shkak se nuk kanë fonde, por kur vjen fjala për tenderë dhe shpenzime abuzive paratë derdhen nga thesi.
Bashkia e Durrësit do të shpenzojë 2 911 980,00 (dy milion e nëntëqind e njëmbëdhjetë mijë e nëntëqind e tetëdhjetë) lekë pa TVSH.
Tenderi i hapur nëpërmjet “Bashkisë Durrës”, për blerje të tombinove të prishura nga përmbytjet pra tubave, në Njësinë Administrative Katundi i Ri, Durrës” mban numrin e referencës REF-05921-09-21-2021, dhe ka fond limit prej 2 911 980,00 të reja ose rreth 30 milionë lekë të vjetra.
Për kreun e Bashkisë Durrës, kryetarja e bashkisë Valbona Sako, ka lëshuar këtë tender pa garë me një kompani të privilegjuar. Për këtë, kjo procedurë ka marrë flamur të kuq nga “Open Data”.
Discussion about this post