Bashkia Elbasan renditet si institucioni i dytë pas Bashkisë Tiranë për numrin e tenderëve pa garë. Së fundmi kryetari i Bashkisë Elbasan Gledian Llatja ka gjetur një tender përmes të cilit mund të vjedh lehtë miliona para, duke ndihmuar paralelisht edhe miqtë e tij. Në datën 9 të këtij muaji, Llataj ka shpallur fituese kompaninë “Blerimi” sh.p.k për tenderin me objekt Rikonstruksion i fushës së minikalcetos dhe rrethimi me kangjella i murit verior i kompleksit sportiv “Shefqet Lamcja”. Llataj jo vetëm që ka vendosur një vlerë tepër të lartë për këtë shërbim, mbi 7 milionë lekë, por e ka dhënë atë pa garë, pasi ka skualifikuar njëra pas tjetrës 4 kompani të tjera, me justifikime dhe argumente të pabazuar në ligj.
Fitoi kompania më e shtrenjtë
Shkelja e parë me këtë tender është fakti që është shpallur fituesin pa patur konkurrencë. Por, Llataj nuk u ndal me kaq shkeli dhe një tjetër pikë të ligjit për prokurimet, duke i dhënë tenderin kompanisë që paraqiti ofertën më të lartë. Vetë dokumenti i tenderit tregon se “Blerimi sh.p.k” ka dhënë ofertën me 7 milionë lekë, pra vetëm 200 mijë lekë më pak se fondi limit dhe doli fituese.
Ndërsa “Avduli” sh.p.k u skualifikua me justifikimin se nuk paraqiti në kohë dokumentet, por kjo kompanië kishte ofertën me 6,345,611lekë, kompania “Fled” sh.p.k. paraqiti ofertën me vlerë 6,181,174 dhe kompania Sark” sh.p.k pati ofertën me fond 6,250,336 lekë. Pra këto fakte tregojnë se të gjitha konkurruesit e tjerë kanë paraqitur oferta me gati 2 milionë lekë më pak se kompania fituese. Por, qeverisë nuk i bëjnë përshtypje këto shkelje, mjafton që ashtu vendosi Llataj.
Skandalet e “Blerimi sh.p.k”
“Blerimi sh.p.k” nuk e ka për herë të parë që përfiton tender pa garë, për shërbime kaq të pavlershme. Me sa duket kryetari i Bashkisë Elbasan e ka përzemër këtë kompani, pasi edhe një vit më parë ka skualifikuar konkurruesit e tjerë dhe shpalli fituese pa konkurrim “Blerimi sh.p.k”. Ky tender është dhënë në 2020 me subjekt “Rikonstruksion i disa QSH- ve në qarqet Berat, Korçë dhe Elbasan” dhe kapte vlerat e 162 milionë lekëve. Ndërsa në 2018, “Blerimi sh.p.k” është përjashtuar nga një garë pasi kishte probleme të theksuara me dokumentacionin, pasi marrëveshjet e dorëzuar i kishte të pa noterizuara. Pra me sa duket, kompania në fjalë i ka ‘kërkuar llogari” Bashkisë Elbasan pse nuk i dha tenderin dhe për të shlyer këtë ‘gabim’ Llataj çdo vit i fal tendera marramendëse kompanisë mike.
E.H/gijotina.com/
Discussion about this post