Hetimet e SPAK zbuluan se Bashkia Tiranë dhe drejtorët e Erion Veliaj ishin të përfshirë në çështje korruptive me tenderat. Në një njoftim për mediat këtë të enjte, SPAK bëri me dije se ka arritur në këto përfundime pas një pune hetimore disamujore që përfshin mes të tjerash “administrimin e dokumentacionit të një sërë procedurash prokurimi, kryerjen e ekspertimeve teknike e kompjuterike, shqyrtimi dhe analizimin e të gjitha provave dhe dokumenteve të administruara.”
Megjithatë, drejtorët e Veliajt pretendojnë pafajësi, pavarësisht se Prokuroria e Posaçme, e thënë thjesht, provoi se Bashkia Tiranë dhe institucionet nën varësi ishin kthyer në një “hale korrupsioni”.
Përmes një reagimi përmes avokatit mbrojtës shpërndarë për mediat, Mariglen Qato thotë se është i pafajshëm.
“Nuk kam asnjë lidhje me akuzat dhe nuk kam bërë asnjë veprim të kundërligjshëm. Në ushtrimin tim të detyrës, kam punuar me përkushtim dhe kam zbatuar ne mënyrë rigoroze ligjin. Ndjehem i keqardhur që SPAK ka rene pre e presionit politike te Ilir Metës, dhe Kelliçit qe kane nisur këtë sulm politik ndaj meje prej muajsh, pa asnjë fakt real. Mbetem besim plotë që ky proces të mbaroje sa më shpejt, drejtësia të bëjë punën e saj dhe e vërteta e pafajësisë time te dale në drite”, është shprehur Qato.
Një qëndrim të ngjashëm mban edhe Redi Molla.
“Unë Redi Molla, jam Inxhinier Ndërtimi i diplomuar në Itali, me një karrierë të gjatë në Itali dhe në Shqipëri. Për 4 vjet kam drejtuar UKT me rezultate të shkëlqyera dhe gjatë gjithë kohës që kam qenë në detyrë kam respektuar ligjet e vendit, dhe kam dhënë maksimumin tim. Sot u vura ne dijeni për akuzat e ngritura ndaj meje nga SPAK – deklaroj me bindje te plotë që për këto akuza jam i pafajshëm, dhe nuk kam asnjë lidhje interesash me kompaninë në fjalë. Ky sulm ka nisur ndaj meje prej me shume se një viti, i frymëzuar politikisht nga PD dhe PL, dhe më vjen keq që pjesë e këtij presioni kanë rënë jo vetëm mediat, por dhe Prokuroria. Pres që drejtësia të veprojë shpejt dhe drejtë dhe pafajësia ime te vërtetohet nga gjykata. Do vazhdoj këtë betejë në çdo instancë i bindur tek pafajësia ime”, thuhet në reagimin e tij.
Ndërkohë, hetimet zbuluan se Redian Molla dhe Mariglen Qato, si titullar (i pari) dhe me funksion drejtues (i dyti) të Ujësjellësit Tiranë, i kanë dhënë tendera një firme që “de facto” është në pronësi të tyre. Po ashtu, firma e tyre ka marrë tendera të parregullt ligjor edhe nga Bashkia e Tiranës, si dhe “Tirana Parking” (në varësi të bashkisë).
Discussion about this post