Bashkia Korçë kërkon të ruaj kopshtet dhe çerdhet me tendera në shkelje dhe miliona lekë që shpenzohen pa kriter. Në fakt duket se kjo bashki nuk po kërkon të ruaj dhe mbikëqyr këto institucione ku kalojnë një pjesë të ditës fëmijët, pro po mbikëqyr mënyrat se si të vjedhë para pa u vënë re. Konkretisht, bëhet fjalë për tenderin me numër reference REF-24558-04-11-2022, i cili ka si objekt “blerje kamerash sigurie për kopshte” . Për këtë tender janë vendosur 1 666 666,00 lekë, një shifër tepër e lartë, për një shërbim që në fakt nuk zbatohet sipas rregullave.
Sakaq, ajo që bie në sy është se për këtë tender ka paraqitur ofertë vetëm një kompani ”Adenis Kastrati Kastrati”. Kështu, bashkia në vend që të anulonte tenderin, sikur e kërkon ligji, ka shpallur fituese të vetmen kompani. Kjo përbën shkelje të hapur të ligjit për prokurimet, madje rregullin më kryesor të ligjit atë të konkurrencës.
Pasi vetëm me një ofertues nuk mund të zhvillohet gara, prandaj Bashkia Korçë ka cenuar konkurrencën dhe ky tender nuk duhet të vazhdojë. Për këtë arsye Openprourement e ka klasifikuar këtë tender, si një projekt të zhvilluar përmes procedurave ligjore jo të sakta, që në fakt zhvillohen vetëm në Shqipëri. Procedura, të cilat janë të ekspozuar ndaj rrezikut dhe krijojnë hapësira për abuzime. Tashmë nuk dihet nëse ky tender do të vazhdojë të vihet në praktikë, por bazuar ligjit ne presim që institucionet përgjegjëse si APP dhe KPP të ndërhyjnë. Pasi, ato 16 milionë lekë janë para të marra nga xhepat e qytetarëve.
Discussion about this post