Afrimi i sezonit veror duhet të shoqërohet me dezinfektim të qyteteve të vendit dhe përqëndrim të shtuar të vëmendjes te pastrimi i mbeturinave, por duket se të kundërtën bën bashkia e Shijakut.
Teksa temperaturat në vend janë ngritur ndjeshëm, jetesën në qytetin e Shijakut e përkqeëson edhe më tepër prania e plehrave në rrugë e trotuare, ndërsa koshat përkatës janë të tejmbushur.
Kryebashkiaku Elton Arbana edhe pse fushatë elektorale, kohë kur gëlojnë tenderat me paratë e taksapguesve për asfalt elektoral dhe pastrime në çdo cep të qytetit, duket se nuk është kujdesur për zhdukjen e mbeturinave.
Një qytetar i Shijakut, ka denoncuar nëpërmjet një video dërguar JOQ gjendjen e rrugëve të qytetit, i cili shihet që është pushtuar nga plehrat që përveç koshave, kanë mbuluar dhe rrugën.
Koshat e mbeturinave janë të tejmbushur dhe shpërndajnë një erë të padurueshme, duke u kthyer në një shqetësim shëndetësor për banorët.
Kjo situatë e paprecedentë ndodh edhe pse bashkia e drejtuar nga Arbana ka paguar dhe vijon të pagojë kompaninë e inceneratorit të Tiranës për djegien e mbetjeve, ndërkohë që në Sharrë nuk bëhet incenerim.
Bashkia e Shijakut ka rënë dakord të paguajë 29 euro për çdo ton mbetje të depozituar në kompaninë koncesionare të depozitimit të mbetjeve në Tiranë me një marrëveshje që është lidhur në datë 23 gusht 2021 dhe është firmosur nga vetë Arbana.
Discussion about this post