Të paktën 40 shtëpi do të preken nga ndryshimi i projektit për ndërtimin e Unazës se Madhe, në lagjen “Kodra e Priftit”, që përkon me pjesën lindore të Qytetit të Tiranës.
Teksa në terren kanë filluar matjet, banorët ngrenë shqetësimin se projekti i ri do të shëmbë ndërtesat e tyre, të cilat janë kujdesur të mos i ndërtojnë në zonën ku ishin lajmëruar nga pushteti local se do të shtrihej projekti.
“Gjatë kohës që kam bërë shtëpinë, kam pyetur. Ndërtova shtëpinë. As ciu as miu s’më bëri njeri” thotë një banor.
“Kemi qenë në rregull me taksa e të gjitha, tani vijnë e prishin shtëpinë”, thotë një banor tjetër.
Përballë kësaj situate, banorët kërkojnë nga Bashkia Tiranë që të zbatojë projektin fillestar të Unazës, me të cilin ka prezantuar dhe banorët e zonës, në mënyrë që shtëpitë e tyre të mos shemben.
“Të kthejnë prapë ku ka qenë projekti i mëparshëm. Kur e bëmë shtëpinë ne nuk ka pasur projekt. Ju lutem ktheni kokën nga fukarenjtë. Ktheni rrugën nga ka qenë.”
Akuzat e banorëve kanë patur dhe një emër konkret, ku bëhet fjalë për vëllanë e një deputeti.
“ Pse është një deputet e një vëllai deputeti e e kthen rrugën këtej?
Të më japë shtëpi për shtëpi. Për dy tre veta këtu të hamë ne të tjerët?! Thonë banorët.
Banorët janë të bindur se projekti ka ndryshuar për interesa personale të dikujt, pasi plani fillestar është miratuar që në kohën e Adil Çarçanit.
Discussion about this post