Bashkia në borxhe, Salla i dhuron 67 MLN lekë Gegës që t’i mbush makinën me naftë

Shpërdorime dhe korrupsion me fondet në bashkinë e vogël të Cerrikut. Në vitin 2023, Kontrolli i Lartë i Shteti publikoi një auditim ku konstatonte se Bashkia Cërrik me tre bashkia të tjera janë në vështirësi financiare pasi detyrimet e prapambetura tejkalojnë 25 %. Kjo bashki renditej në nivelin e dytë me vështirësi të larta financiare. Bashkia drejtohet nga Andis Salla, i cili firmos vazhdimisht kontrata në shkelje të rregullave të prokurimit.

Të kesh këtë borxh dhe të mos reduktosh shpenzimet e karburantit, kjo është mungesë përgjegjshmërie. Minimumi që duhet bërë në këtë bashki të vogël, është reduktimi i lëvizjes së makinave të administratës.

Në të kundërt, kryetari Salla ka hapur një tender me objekt “Blerje karburant për vitin 2024 për Bashkinë Cërrik”, ku konkretisht do të blihen 43.347 litra karburant. E po i duhet karburant makinave të stafit të bashkisë!

Por Salla, përveç faktit se po shpenzon 6.666.666,67 lekë nuk “tregon” se sa naftë dhe sa benzinë apo gaz po blen me këtë shumë parash.  Në dokumentet standarde të tenderit njoftohet vetëm shuma totale në litra karburant, pa e ndarë në zëra. Sigurisht nuk tregohet as çmimi dhe as fitimi i kompanisë për çdo litër.

Salla e ka mbyllur shpejt e shpejt këtë tender duke mos iu përmbajtur ligjit mbi  ‘Për Prokurimet Publike’.

Shohim në dokumentet e tenderit se vetëm firma “Gega Center GKG” shpk ka paraqitur një ofertë. Kompania ka propozuar 100% të fondit limit, megjithatë Sala e ka shpallur automatikisht fituese. E dukshme që në këtë projekt është përdorur skema që Gega ishte paracaktuar si fitues dhe kushtet e kontratës e kriteret i ka shkruar kompania private

Firma fituese është mjaft e njohur, e themeluar nga oligarku Paulin Gega dhe e drejtuar tashmë nga Donike Gega. Kjo kompani është pjesë e kartelit të pashpallur në tregun e karburanteve, ku ndajnë bashkë terrenin me Kastratin.

Portali Monitorues ‘Open Data Albania’ i ka vendosur këtij prokurimi “Flamurin e kuq”, si shenjë e riskut të korrupsionit.

©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.