Banorët e lagjes “5 Maji” e kanë zhvendosur protestën pranë bashkisë, ku i kërkojnë kryetarit të dalë dhe të flasë me ta. Por deri më tani nuk kanë marrë asnjë reagim, përveç efektivëve të policisë që kanë rrethuar godinën. Njëra nga banoret është revoltuar nga kjo mospërfillje dhe ka kërcënuar se do të marrë akte ekstreme, në rast se IKMT shkon që ti prishë shtëpinë e saj. Ajo tha se do ti vërë flakën banesës, në rast se shteti shkon për t’ia prishur. Sipas saj, Bashkia i ka thënë se nuk do të marrë asnjë lloj kompensimi për banesën.
“Ne kërkojmë kompensim sipas kurorëve, unë nuk marr shtëpi, kjo është përgjigja që më është dhënë nga njësia bashkiake, jam lutur që të binte tërmet, të merrja dhe unë nj hyrje. I pari që hyn në shtëpinë time, është armiku im, se është polic se është punonjës i IMT, para fëmijëve të mi nuk vë përpara askënd.
Te shtëpia ime, mateni mirë, se do t’iu vë flakën. Kushdo që të jetë, vëllai im, hajdeni provojeni, se do ti vë flakën, barriera e parë, po e përsëris, do t’iu vë flakën, do të rri brenda vetë. Mos të guxojë njeri atë ditë që të më prekë, unë kam humbur çdo gjë, çdo gjë, banesa ishte mundësia ime e fundit, edhe nëse duhet ti lë fëmijët e mi jetim. I bëj thirrje kujtdo, po dalin më burrnesha gratë se burrat, do t’iu djegë”, u shpreh banorja.
Banorët e 5 Majit kanë dalë sot në protestë para Kuvendit, ku i bënin thirrje qeverisë dhe deputetëve që të kthejnë vëmendjen nga të dhe mos t’i lënë në mes të katër rrugëve.
Discussion about this post