Situata në rrugën e Shijakut sa vjen dhe përkeqësohet akoma më tepër, ku koshat e mbeturinave nuk kanë më hapësirë për hedhjen e plehrave, duke përfunduar më pas në mbulimin e të gjithë trotuareve dhe rrugëve me mbetje të çfarëdollojshme. Kjo gjendje ka bërë që i gjithë Shijaku të kundërmojë erë të keqe.
Që prej datës 17 gusht kur mes Bashkisë së Shijakut dhe Landfillit të Sharrës përfundoi kontrata, plehrat nuk kanë ku depozitohen dhe përpunohen. Deri në datë 17 gusht Landfilli i përpunonte falas mbetjet. Këshilli Bashkia i Shijakut të enjte ka miratuar dhe një studim fizibiliteti.
Të hënën pritet që prefekti ta miratojë këtë studim.
Elton Arbana tha se pas vendimit të prefektit të qarkut, pritet të nënshkruhet një kontratë tjetër e përkohshme me Landfillin. Sipas kushteve të kontratës mbetjet e Shijakut do të depozitohen në Landfillin e Sharrës kundrejt pagesës 29 euro për ton.
Por gjithsesi Bashkia e Shijakut nuk e përballon dot shifrën ndaj kërkon ndihmën e qeverisë për ta mbështetur financiarisht.
