Ndikuar nga efekti “Veliaj”, drejtoria e taksave ka nisur të bëhet pjesë e aferave për të pasuruar oligarkët. Ky institucion ka lidhur kontratën për tenderin me numër reference REF-24494-04-08-2022 dhe objekt blerje makinash. Për këtë tender me vlerë 30 milionë lekë për të cilin fitues është shpallur kompania “CLASSIC shpk”. Ndërsa ky tender tregon edhe njëherë se qeveria është në krizë vetëm për të investuar tek qytetarët, ndërsa për t’i siguruar luksin Administratës nuk di që të kursehet. Nga ana tjetër fondi prej 30 milionë lekë për blerjen e disa makinave, kur drejtoria e tarifave ka aktualisht në gjendje automjete, duket si justifikim për të mbyllur sa më parë këtë aferë.
Shtojmë këtu se, kjo kompani është e njohur për shumë tendera që ka marrë pa garë dhe në shkelje të ligjit. Vetëm në vitin 2019, ku emri i kësaj kompania është lakuar në shumë afera, rezulton nga të dhënat se ka marrë 20 tendera me vlerë 6.6 miliardë lekë. Ndërkohë gjatë vitit 2020 të dhënat nga “Open Data” tregojnë se “CLASSIC shpk” ka fituar ka fituar të paktën 6 tendera, të cilat shënjohen me “flamuj të kuq”. Ndërsa një vit më parë OSHEE ka marrë 150 makina me qira te kompania e Papulit, duke i dhënë atij 5.6 miliardë lekë. Ky tender përveç se u zhvillua pa garë, por vlera e tij është shumë më e lartë nga se do kushtonin makinat nëse do të bliheshin tamam.
Kush është Agron Papuli
Por, së shumti pronari Agron Papulit është emërtuar si miku i kryeministrit Edi Rama për disa arsye. Së pari për faktin që është biznesmeni që ka fituar tenderët për furnizimin me automjete të administratës shtetërore, policisë, por edhe ministrave me “Jaguar”-ët e famshëm, të cilët do të paguheshin nga taksat tona, për një çmim prej plot 80 milionë euro. Së dyti, nga denoncimet e bërë në media, më së shumti nga opozita, rezulton se Papuli është ndërtuesi i vilës së Ramës në Dardhë. Papuli është bërë “mollë sherri” për tenderët që ka fituar pa garë, por edhe për miqësitë që flitet të ketë me Ramën dhe Bashën gjithashtu.
Agron Papuli, është pronar i një sërë biznesesh në të gjithë Shqipërinë, përfshirë këtu edhe rezidencën e vilave “Long Hills” në Tiranë. Pronari i kompanisë “CLASSIC”, që është koncesionari i automjeteve të markës gjermane “Volkswagen”, njihet në ambientet e biznesit edhe si “Taksa-Rama” për shkak të afërsisë së tij me kreun e qeverisë.
Ndërkohë që në janar të 2019, Papuli u emërua edhe si konsull i Shqipërisë në Korenë e Jugut. Shkurt e shqip; Agron Papuli për Sistemin e Referimit të Lulzim Bashës është një oligark, por që çuditërisht PD i është qepur goja prej thuajse një viti për të përmendur “gjëmat” që Papuli iu ka bërë shqiptarëve. Janë gati 23 milionë euro për të cilat PD e akuzon Papulin se i ka përfituar nga qeveria Rama.
Por, si për të mbuluar skandalet e të shkuarës, Papuli ka lënë administrimin e kompanisë në dorën e Artan Qesko. Qesko nuk njihet për skandale, por kompania që ai drejton vazhdon aferat me tenderat.
Discussion about this post