Pas vendimit të DASH me shpalljen “non grata” dhe largimit nga Partia Demokratike, edhe Bashkia e Tropojës u bashkohet “vendimeve për largimin” e Sali Berishës. Nëse deri më sot ‘mbështetja e vetme’ që i kishte mbetur ishte nga vendlindja e tij, duket se dhe tropojanët kanë hequr dorë duke rrëzuar kështu ndikimin që Berisha kishte në këtë qytet.
Bashkia e Tropojës pas shumë vitesh ka hequr banderolën e Sali Berishës, që e mbante në ballinë e institucionit duke i ‘marrë frymën’. Ndër vite kjo bashki është drejtuar nga demokratë, por edhe nga socialistë përgjatë dy viteve të fundit, por portreti gjigant i Berishës ka qëndruar në këtë institucion.
Ditën e sotme bashkia ka vendosur ta heq banderolën duke çliruar institucionin nga imazhi i një personi, që akuzohet nga SHBA për minim të demokracisë dhe korrupsion.
