Banorët e fshatit Grizë në Bashkinë e Patozit, kanë dalë sërish në protestë ditën e sotme pas vendim që për mbylljen e shkollës. Mësohet se, banorët kanë ndaluar autobusin që kanë ardhur për të marrë nxënësit për shkuar në shkollën e qytetit.
Bashkia do t’i dërgojë fëmijët në një shkollë në Patos, me justifikimin se ky institucion ka pasur plasaritje në mure si shkak i tërmetit të 26 nëntorit. Në të vërtetë, shkolla do të kthehet në klub argëtimi për pensionistët, duke u privatizuar.
Banorët kanë reaguar të irrituar, pasi vendimit të marrë nga Këshilli Bashkiak, teksa shprehen të bindur se fëmijët nuk do t’i dërgojnë në Patos.
”Ne kemi vendosur të bëhet shkolla këtu, dhe të bëhen riparime, ne fëmijët nuk i dërgojmë në Patos, se ne nuk do të na vijë urbani përditë, vjen një ditë, dy, po nuk vjen më. Ne kemi pasur fëmijët tanë dhe me një 8-vjeçare kanë ngelur të tre djemtë e mi. Ne nuk jemi dakord që të na hiqet shkolla që këtu, po nuk e rregulloi Bashkia do të vihemi ne si prindër ta riparojmë shkollën”, tha njëri nga banorët.
Në fshatin Grizë të Patosit, janë 46 nxënës që ndjekin studimet në shkollë fillore, ndërsa 22 fëmijë që ndjekin parashkollorin.
