Bashkia e Vlorës nën drejtimin e Dritan Leli ka shënuar tenderin e radhës ku konkurrentët janë skualifikuar dhe kontrata i është dhënë kompanisë që ofertoi më shumë.
Tenderi i cili është bërë nga Sh.A Ujësjellës Kanalizime Vlorë, që varet drejtpërdrejtë nga Bashkia Vlorë, ka si qëllim blerjen e klorit për vitin 2021. Kjo procedurë e cila mban numrin e referencës REF-01250-07-19-2021 dhe ka fondin limit prej 10.255.000 lekëve të reja ose rreth 103 milionë lekë të vjetra, është bërë në datën 21 korrik të këtij viti, ndërsa fituesi është shpallur në 23 dhjetor.
Në këtë tender kanë marrë pjesë vetëm dy kompani, ”Albanian Distribution Chemicals” shpk dhe ”Atlantik 3” shpk. Kompania ”Albanian Distribution Chemicals” është skualifikuar nga gara me arsyen e zbatimit të një vendimi KSHA dhe KPP, por duke mos e qartësuar se pse ka qenë arsyeja e skualifikimit. Kështu operatori ”Atlantik 3” shpk ka mbetur i vetëm në garë, duke u shpallur dhe automatikisht fitues i këtij tenderi.
Mënyra e përzgjedhjes së fituesit në tenderat publikë duke shmangur konkurrencën, janë kthyer në një fenomen shqetësues për menaxhimin e fondeve nga buxheti i shtetit. Një rast i tillë është edhe ky që është regjistruar së fundmi edhe në Bashkinë e Vlorës, të drejtuar nga Dritan Leli, pa garë dhe duke shpallur fitues ofertën më të lartë.
Kjo sepse ”Albanian Distribution Chemicals” kaq ofruar 9.720.000 lekë, ndërsa ”Atlantik 3” shpk ka ofruar 10.250.000 lekë. Kështu Leli e ka parë të arsyeshme të përzgjedh ofertën e dytë e cila është më e lartë dhe që është sa 99.95% e fondit limit.
Edhe ky tender është futur në “thesin” e flamurit të kuq (red flag) nga “Open Data”, e cili derisa Autoriteti i Konkurrencës nuk do t’i parandalojë këto procedura, do vazhdojë të fryhet akoma.
Gijotina.com
Discussion about this post