Bashkia Vorë nën drejtimin e Gentian Picarit ka dhënë një tender në shkelje me rregullat e parapërcaktuara mbi procedurat që duhen ndjekur për të shpallur fituesin. Bëhet fjalë për një tender me vlerë mbi 214 milionë lekë pa TVSH, para të dhëna pa garë duke shkelur hapur ligjin e konkurrencës. Objekti i këtij tenderi është blerje elektropompe dhe pajisjeve të tyre, teksa fitues është shpallur operatori MIKAEL GRUP SHPK, duke skualifikuar automatikisht të gjithë operatorët e tjerë nga gara, përveç kompanisë fituese.
Në argumentimin e përjashtimit nga gara të subjekteve të tjerë përkatësisht, ”MUHOPLUS LTD” sh.p.k, e cila thuhet se nuk ka bere sigurimin e ofertës, ndërsa ”RAFIN COMPANY” sh.p.k, është skualifikuar pasi nuk ka paraqitur certifikatën për Menaxhimin e Cilësisë, ose e përditësuar ku të jetë pasqyruar objekti i prokurimit. Ndërkohë kohëzgjatja e kontratës është vetëm 40 ditë.
Ndërkohë kompania fituese ka ofertuar mbi rreth 200 milionë lekë, ndërsa ‘RAFIN COMPANY”, e cila rezulton e skualifikuar nga gara ka ofertuar rreth 190 milionë lekë, pra kompania fituese rezulton ajo me ofertën më të lartë. Lidhur me kompaninë ”MUHOPLUS LTD”, në dokumentacionin e publikuar rezulton se nuk ka paraqitur asnjë ofertë, duke ngritur dyshime se ka marrë pjesë në garë vetëm për procedurë, pasi fituesi mund të jetë vendosur paraprakisht.
Discussion about this post