Nëse e pyesni ish-konkurrentin e “Për’puthen”, Bashkim Saiti, për ish të dashurën e tij Alvisa Qarri, do të merrni një përgjigje të ashpër.
Duket se ish-konkurrenti i emisionit të dashurisë është i lodhur nga pyetjet që i bëhen në lidhje me ish të dashurën. Këtë e ka treguar vetë ai në një video të publikuar në rrjetin social TikTok. Ai i është bashkuar një trendi të platformës, ku shkruan: “Kur më pyesin për ish-in”- ndërsa në sfond është një zë i acaruar që thotë “largohu/ zhduku.”
Ndërsa ndjekësit e tij e kanë kuptuar menjëherë që bëhet fjalë për Alvisën.
Kujtojmë se Bashkimi dhe Alvisa ishin çifti i parë që doli nga “Për’puthen” këtë sezon, duke vendosur që të vijojnë lidhjen jashtë. Megjithatë, gjërat nuk shkuan siç duhet dhe pas disa javësh ata vendosën që t’i ndërpresin marrëdhëniet. Ishte Bashkimi ai që deklaroi ndarjen nga Alvisa nëpërmjet një postimi në Instagram.
Bashkimi ka deklaruar në intervista pas ndarjes se të njohësh dikë para ekranit është shumë më ndryshe se jashtë. Sipas ish-konkurrentit gjatë emisionit ka vepruar më shumë me ndjenjë dhe se kishte një presion edhe më të madh ndërsa jashtë ka vepruar me një logjikë më të ftohtë.
I pyetur sesi është tashmë raporti i tij me Alvisën pas ndarjes, Bashkimi ka treguar se patën një ndarje të qetë kanë shkëmbyer disa mesazhe por jo diçka më shumë. Nga ana tjetër Alvisa është shprehur se ishte falënderuese për gjithçka përjetoi me Bashkimin, por ka thënë se nuk ka më shanse që ata të rikthehet bashkë.
@thatguybash8
Discussion about this post